Коми народные игры "Сюръя дорын" и "Тымӧн"

Коми народные игры "Сюръя дорын" и "Тымӧн"

6 Января

Коми народные игры "Сюръя дорын" и "Тымӧн"

1
  • Описание

Тӧвся шойччан лунъясӧ гортаныд пукалӧм дорысь бурджык семьянаныд ывлаын ворсыштны. Шуам, йӧраныд. Шойччыштанныд, сӧстӧм сынӧдсӧ апалыштанныд да кокнытӧ на веськӧдыштанныд дай.

Со талун кык важся коми ворсӧм тіянлы петкӧдлам.

Ӧтиыс шусьӧ «Тымӧн».
Сыысь ворсігӧн медводз пудъясьӧны. Код вылӧ усьӧ пуд, сiйӧ лоӧ куталысьӧн, мукӧдыс сыысь пышъялӧы. Куталысь вӧтлысьӧ на борся . Суӧдас кӧ, инмӧдчас сы дорӧ кинас да шуас: «Тым!», а ачыс котӧртӧ мӧдарӧ. Ӧни куталысьнас лоӧ нин сiйӧ, кӧдӧдз инмӧдчылiс кинас медводдза куталысьыс. Тадзи котралӧны водзвыв сёрнитчӧм территорияті мудзтӧдзныс.
Сэки, кор ворсысьяс пиын абуӧсь нывъяс, пудъясигӧныс куталысьсӧ «нимтӧны жӧникӧн»:
Тымысь, тамысь,
Мынтӧм шогысь,
Син пӧла жӧникысь -
Тым!
А ворсӧны кӧ и нывъяс, "жӧник" пыдди шуӧны "невеста".

"Сюръя дорын".

Пудъясӧны. Ӧти лоӧ кутасьысь, сiйӧ сувтас сюрья дiнӧ да кутас сiйӧс видзны.Мукӧдыс кытшовтасны сюръясӧ вит-ӧ-квайт воськов ылнаын. Сэсся сигнал серти ставыс ӧтвылысь ызнитасны сюръялань, медым веськыд ки пӧлӧн инмӧдчывны сюръяӧдзыс. А куталысьыс бӧръяс на пиысь ӧтиӧс (кодi слабджык) да кутас сiӧс, оз лэдз инмӧдчывны сюръяас. Кодӧс кутас, сiйӧ лоас куталысьӧн жӧ меддводзаыслӧн отсасьысьӧн. А мукӧдыс бара ылыстчасны сюръя дорсьыс, ылӧдзджык нин. И бара котӧртӧны сюръялань. Куталысьысь ӧни кык, да найӧ кутасны ещӧ ӧтиӧсӧ-кыкӧс.Тадзи ворсасны некымын скон. Куталысьяслӧн лыдыс век содӧ, пышъялысьяслӧн - чинӧ. Найӧ кутасны ылыстчыны век ылӧджык и ылӧджык, а сэсся весиг кутасны дзебсьыны . Ӧнi куталысьыс лоас тырмымӧн; ӧтияс кольчасны сюръя видзны, мукӧдыс на пиысь корсьысьны–кутасьны. Аддзасны кӧ дзебсясьысьӧс да вӧтӧдасны, сiйӧ бара жӧ лоӧ кутӧма. А дзебсясьысьлӧн мог – воӧдчыны да инмӧдчыны сюръяӧ. Ворсӧмыс кыссьӧ сэтчӧдз, кытчӧдз ни ӧти куттӧм оз коль.

А ӧні сэсся видзӧдӧй!
___________________________________

Друзья, а как вы проводите досуг на новогодних каникулах? Мы, например, играем в детские уличные игры. Сегодня хотим показать две старинные коми игры.

Для начала ознакомьтесь с их правилами, а потом смотрите наше видео, и конечно, играйте.

ИГРА «ТЫМӦН» (В САЛКИ).
По жребию выбирают водящего. Заранее обговаривают территорию и условия игры. Все разбегаются, а водящий настигает их. Кого настигнет, того пятнает рукой и произносит: «Тым». А сам убегает. Запятнанный теперь уже становится водящим и также гоняется за всеми игроками. Игра иногда усложняется, например, в условленном месте нельзя пятнать. А для достижения большего комического эффекта, когда играют одни мальчики, водящего в считалке называют женихом, если же играют и девочки, то водящего в считалке называют невестой.
Игра не имеет определённого конца.

СЮРЪЯ ДОРЫН (У СТОЛБА)

Водящего выбирают по жребию, он будет будет ловить, становится у столба и охраняет его. Остальные отходят от столба на 5-6 метров. По сигналу бегут к столбу. Их задача – коснуться рукой столба. Задача хранителя столба – задержать кого-либо из играющих, не подпустить к столбу. Кого поймает, тот тоже становится хранителем столба, теперь они ловят игроков уже двое. Так играют несколько конов. Ловцов становиться больше, а убегающих становится меньше. Убегающие с каждым коном отдаляются от столба все дальше и дальше и наконец прячутся. Теперь у ловящих уже большая группа, они распределяют роли: одни остаются у столба, стерегут его, а другие идут на поиски спрятавшихся. Если они найдут спрятавшегося, настигнут его и запятнают, этот игрок считается пойманным и в следующий кон тоже лови. Задача спрятавшихся остается прежней – благополучно добежать до столба и с разбегу дотронуться до него рукой. Кто коснулся столба, тот в следующем коне вновь идет прятаться.

(Ворсӧмъясыс "Коми челядьлы важся ворсӧмъяс" небӧгысь, дасьтысьыс Ю. Г. Рочев, Сыктывкар, 1988)

#Коми_шӧрин #Центр_коми_культуры #Сыктывкар #Komi #Syktyvkar #микоми #комивойтыр #кокуш #коми


как нас найти

Ми танӧсь
фото
телефон
8 (8212) 24-68-12 (директор)
8 (8212) 21-68-20 (менеджеры)
адрес
г.Сыктывкар, ул.Бабушкина, 31
почта
komikultura@mail.ru
время работы

пн-пт 9:00-17:15,

перерыв 12:30 - 13:30